يقول الفهيم المايدي: الي بنا

يقول الفهيم المايدي: إليّ بنا

بدع يساعفني بناه بالأعجل

طربت بدع الجيل من غادية

مكشوفة ما ها خلاف الجدول

فلي غشا صقف السماء إليّ طما

شروات عد جر ماه الجندل

لو قل ملأ ثمار وانطرد الثرى

وقت المحل والجدب هو ما يمحل

عد رهي الماء وفرعة وآدي

سمح الهجيج وله اسمام معتل

لو تسند الحدار عن ييلاته

ما قل لو سبع السواني تدهل

مسقاه زاهية البكاس غرايس

تو الحمال إبها وشي ما يحمل

ترى بنات البدو تحت اظلاله

برقابهن مثل الوحوش الجفل

من كل أطلاق الجيوب كواعب

دعج العيون إلهن أشافي ذبل

يسبن قلوب العاشجين ابمبسم

بيض الحواجب مثل بيض البلبل

سمعت هجس الجاهلين اتلومني

ما تستصيخ الورق يوم اتعاول

دعني أنا مير الحمام إليّ لعا

يطرب رخي البال والجاش الخل

أنا خلاف أولاف خلان الرخا

ترى فؤادي ما لهوى يتبتل

وفي شف وآنية المسير إليّ مشت

روياً كعود الشاكري امعدل

تسبي العقول ابعودها واجعودها

على المتون سواسب متعدل