ذكري

لو تفتكر بنا الكلام او يوم تفكر ف اللي راح

ويفيد بايه كتر الملام دا القلب دايب م الجراح

كنت القريب كنت الحبيب كنت الضيا وقت المغيب

حل الضباب وبقيت سراب والجرح جالي م القريب

كنت الامل وسط الطريق كنت الانيس كنت الصديق

لكن مع طول الزمان انكشف وش البريء

شوفتك امان شوفتك ملاك اتاريك ضياع اتاريك هلاك

موهوم بايه دا انت الأسير محبوس ف حب الامتلاك

أن الأوان اهرب بعيد وبلاش نقول وبلاش نعيد

كتر العتاب جرح القلوب واللي جرح هو السعيد

بالوفا دايما نصون العهود جوا العيون

وان صابنا غدر نقوم نكمل دا لحياه فيها الف لون

وانا راح اكمل الطريق وهشوف صديق غير الصديق

وان جمعنا ف يوم مكان راح تفتكر مين الغريق

قبل الوداع انا عندي فكرة انسي اللي راح واستني بكرة

قالوا النصيب قبل الحبيب وكمان يومين وها تبقي ذكري